திருமணம் பற்றிய 80+ தமிழ் பொன்மொழிகள்!

மகிழ்ச்சியான திருமணங்கள் ஆழமான நட்பை அடிப்படையாகக் கொண்டவை. அதாவது பரஸ்பர மரியாதையுடன், இன்னொருவருடைய இருப்பில் மகிழ்ச்சி காண்பது.

ஆண்கள் மாறிவிடுவார்கள் என்ற நம்பிக்கையில் பெண்களும், பெண்கள் மாறமாட்டார்கள் என்ற நம்பிக்கையில் ஆண்களும் திருமணம் செய்து கொள்கிறார்கள்.

திருமணத்திற்கு முன்பு குழந்தை வளர்ப்பு பற்றி என்னிடம் ஆறு கோட்பாடுகள் இருந்தன. இப்போது எனக்கு ஆறு குழந்தைகள், ஆனால் கோட்பாடுகள் ஒன்றுமில்லை.

பெண்களுக்கு, திருமணம் என்பது எப்போதும் வாழ்வின் தொடக்கமாக இருக்க வேண்டுமே தவிர முடிவாக இருக்கக் கூடாது.

திருமண உறவில் இருப்பது கடினம். என் மனைவி நாயின் உதடுகளில் முத்தமிடுகிறாள், ஆனால் அவள் எனது கோப்பையில் குடிக்க தயங்குகிறாள்.

மகிழ்ச்சியான திருமண வாழ்க்கையை தீர்மானிப்பது உங்களுக்குள் எவ்வளவு ஒத்துப்போகிறது என்பது அல்ல, ஒத்துப்போகாதபோது அதை எப்படி கையாள்கிறீர்கள் என்பதிலேயே அது உள்ளது.

காதலிக்கும் ஒரு மனிதன் திருமணம் ஆகும் வரை முழுமையடையாதவன். ஆன பின் அவன் கதை முடிந்தது.

திருமண வாழ்வின் நீங்கள் செய்யும் தியாகம் உங்கள் இணையருக்காக அல்ல அவருடனான உங்கள் உறவின் ஒற்றுமைக்காக.

சட்டப்பூர்வமாக திருமணம் செய்யாமல் கூட காதல் ஒழுக்கமானது, ஆனால் காதல் இல்லாத திருமணம் ஒழுக்கக்கேடானது.

திருமணம் நேரம், ஆற்றல், உணர்ச்சி ஆகியவற்றின் மிகப்பெரிய முதலீடு. அதை பாதுகாத்து உங்களது பங்களிப்பை தொடருங்கள்.

திருமணம் என்பது திருமண நாளை ஒருபோதும் நினைவில் கொள்ளாத ஒருவருக்கும், அவற்றை ஒருபோதும் மறக்காத மற்றொரு நபருக்கும் இடையிலான பிணைப்பு.

உங்கள் சிறந்த நண்பருடன் வாழ்க்கையைப் பகிர்ந்து, வழிப் பயணத்தை ஒன்றாய் ரசித்து ஒவ்வொரு இலக்கையும் ஒன்றாய் அடைவதே திருமணம்.

வாழ்நாள் முழுமைக்குமான உறவு என்பது திருமணத்தைப் பற்றியது அல்ல. அது இருவருக்கும் இடையிலான புரிதல் மற்றும் தொடர்பை பற்றியது. அதற்கு இருவரும் முயற்சிக்க வேண்டும்.

வெற்றிகரமான திருமணத்தை உருவாக்குவது விவசாயத்தை போன்றது என்பதை நினைவில் கொள்ளுங்கள். நீங்கள் தினமும் காலையில் மீண்டும் தொடங்க வேண்டும்.

திருமணம் என்னை மிகவும் மகிழ்ச்சியாக ஆக்கியுள்ளது, நான் என் மனைவியை ஆழமாக காதலிக்கிறேன், அவளுக்காக ஒவ்வொரு நாளும் கடவுளுக்கு நன்றி கூறுகிறேன்.

திருமணமாகி 45 ஆண்டுகளுக்குப் பிறகும், என் மனைவியுடன் வாக்குவாதம் ஏற்பட்டு எந்த முடிவுக்கும் வரவில்லையென்றால், அவள் விரும்பியதைச் செய்வோம். முடிவுக்கு வந்துவிட்டால், நான் விரும்பியதைச் செய்வோம். 😂

திருமணம் என்பது நாம் வளருவதற்கான சிறந்த கடைசி வாய்ப்பு.

மகிழ்ச்சியான திருமணத்தின் ரகசியம் சரியான நபரைக் தேர்ந்தெடுப்பதே. நீங்கள் எப்போதும் அவர்களுடன் இருக்க விரும்பினால் அவர்கள் சொல்வது எப்போதும் சரிதான் என்பது உங்களுக்குத் தெரியும்.

பார்வையற்ற மனைவிக்கும் காது கேளாத கணவனுக்கும் இடையேதான் நல்ல திருமணம் அமையும்.

ஒரு வெற்றிகரமான திருமண வாழ்விற்கு பலமுறை காதலில் விழுவது அவசியம் ஆனால் ஒரே நபருடன்.

காதல்: திருமணத்தால் குணப்படுத்தக்கூடிய தற்காலிக பைத்தியம்.

ஒவ்வொரு நல்ல திருமண உறவும், மரியாதை அடிப்படையிலானது. அது மரியாதையின் அடிப்படையில் இல்லாவிட்டால், திருமண வாழ்வில் நல்லது என்று தோன்றும் எதுவும் நீண்ட காலம் நிலைக்காது.

சிறிது நேரத்திற்குப் பிறகு காமம் மெலிந்து விடும், அழகு மங்கிவிடும், ஆனால் உங்களை தினமும் சிரிக்க வைக்கும் ஒருவரை திருமணம் செய்து கொள்வது, அதுவே உண்மையான விருந்து.

நீங்கள் இருவரும் எவ்வளவு சவால்களை எதிர்கொண்டாலும், உங்கள் இருவருக்கும் திருமணத்தின் மீதும், ஒருவருக்கு ஒருவர் மீதும் நம்பிக்கை இருந்தால் அதைச் கடந்துவிட முடியும்.

நல்ல திருமணம் என்று ஒன்று இருந்தால், அதற்கு காரணம் அது காதலை விட நட்பை ஒத்திருப்பதால் தான்.

நாம் யாரை திருமணம் செய்து கொள்கிறோம் என்பது வாழ்க்கையில் மிக முக்கியமான முடிவுகளில் ஒன்றாகும். மகிழ்ச்சி, வளர்ச்சி, வெற்றி என உங்கள் வாழ்வின் எல்லா நிகழ்வுகளையும் அது பாதிக்கும்.

மகிழ்ச்சியான திருமணம் என்பது உலகின் சிறந்த பரிவர்த்தனை.

திருமணம் என்பது கடவுள் நமக்கு கொடுத்த வரம். மகிழ்ச்சியான திருமண வாழ்வு அவருக்கு நாம் கொடுக்கும் பரிசு.

நாம் ஒருவரையொருவர் திருமணம் செய்து கொள்ளாதது போல் வாழ்நாள் முழுவதும் ஒருவரையொருவர் நேசிப்போம் என்பதில் எனக்கு மிகுந்த நம்பிக்கை உள்ளது.

ஒரு நல்ல திருமணத்தை விட வசீகரமான, தோழமையான, அழகான உறவு வேறெதுவும் இல்லை.

மகிழ்ச்சியான திருமணத்திற்கான எனது பரிந்துரை, நீங்கள் செய்வதைப் போன்ற எதையும் செய்யாத ஒருவரை திருமணம் செய்து கொள்ளுங்கள்.

திருமணம் என்பது பெயர்ச்சொல் அல்ல; அது ஒரு வினைச்சொல். அது நீங்கள் பெறுவது அல்ல, செய்வது. ஒவ்வொரு நாளும் உங்கள் துணையை நீங்கள் நேசிப்பதற்கான வழி அது.

திருமணம் உண்மையில் இதயத்தில் நடைபெறுகிறது, வீட்டிலோ கோவிலிலோ அல்ல. அது நீங்கள் தொடர்ந்து எடுக்கும் தொடர் முடிவுகளே. அந்தத் முடிவுகள் உங்கள் கணவன் அல்லது மனைவியை நீங்கள் நடத்தும் விதத்தில் பிரதிபலிக்கிறது.

உங்கள் மனைவி உங்கள் பேச்சை கவனிக்க வேண்டுமென விரும்பினால், வேறொரு பெண்ணிடம் பேசுங்கள்; அவள் உங்களை மட்டும் கூர்ந்து கவனித்துக் கொண்டு இருப்பாள்.

ஒரு ஆண் தன் வீட்டு பெண்களையே சமமாக நினைப்பதில்லை. தன் மகனுக்கும் மகளுக்குமே சம உரிமை இல்லை. தன் குடும்பத்திலிருக்கும் அடக்குமுறையை, அதிகாரத்தை, ஆண்/பெண் வேறுபாட்டை, முதலாளித்துவ/நிலவுடைமை பண்பை அழித்து சாதி ஒழிப்பை தொடங்குங்கள். இத்தகைய பண்புகளை மார்க்சிடமிருந்தும், அம்பேத்கரிடமிருந்தும் கற்றுக்கொள்ள வேண்டிய தேவை இருக்கிறது. சாதியின் வடிவம் வேறு வேறாக இருப்பதை கண்டறிந்து, அந்த வடிவம் குடும்பமாக இருப்பதை ஒத்துக்கொண்டு, அந்த குடும்பத்தை சீர்படுத்தும் வேலையை நாம் இன்றிலிருந்து தொடங்குவோம்.

திருமணம் என்பது ஜன்னலை மூடிக்கொண்டு தூங்க முடியாத ஒரு ஆணும், ஜன்னலைத் திறந்துகொண்டு தூங்க முடியாத பெண்ணும் சேர்ந்து செய்து கொள்ளும் கூட்டணி.

காதல் பலவீனம் அல்ல, பலம். திருமணம் என்ற சடங்கு மட்டுமே அதை பிணைத்திருக்க முடியும்.

திருமணங்களில் மக்களின் சராசரி வருமானத்தில் ஒரு 10 அல்லது 15 நாள் வருமானத்திற்கு மேல் செலவு செய்ய அனுமதிக்கக்கூடாது.

நீங்கள் திருமணம் செய்து கொள்ளத் தேர்ந்தெடுக்கும் நபர் உங்கள் வாழ்க்கையிலும், திருமணத்திற்க்கு பிறகும் நீங்கள் எடுக்கும் முடிவுகளிலும் பெரும் செல்வாக்கு செலுத்தகூடியவர்.

ஒரு ஆண் தனது Bachelor பட்டத்தை இழப்பதும் ஒரு பெண் தனது Master பட்டத்தை பெறுவதுமே திருமணம்.

உங்கள் திருமணம் ஒரு புனித பந்தம் ஆனால் அதை எளிதென கருதாதீர்கள். எல்லா உறவுகளையும் போலவே அதை காக்க நீங்கள் தொடர்ந்து பாடுபட வேண்டும்.

எல்லா திருமணங்களும் மகிழ்ச்சியாகவே இருக்கிறது. அதன்பின் ஒன்றாக வாழ்வதுதான் எல்லா பிரச்சனைகளுக்கும் காரணமாகிறது.

உண்மையான நண்பனைக் கொண்டவன் மகிழ்ச்சியானவன், தன் மனைவிடம் அந்த உண்மையான நட்ப்பை கொண்டவன் அதைவிட மகிழ்ச்சியானவன்.

மகிழ்ச்சியான திருமணம் என்பது இரண்டு நல்ல மன்னிப்பாளர்களின் சங்கமம்.

சங்கிலிகள் ஒரு திருமணத்தை பிணைத்து இருப்பதில்லை. பல ஆண்டுகளாக மக்களை ஒன்றாக இணைக்கும் நூற்றுக்கணக்கான சிறிய நூல்கள்தான் திருமணம்.

உண்மையான நண்பனைக் கொண்டவன் மகிழ்ச்சியானவன், தன் மனைவியிடம் அந்த உண்மையான நட்பைக் காண்பவன் பெருமகிழ்ச்சியானவன்.

திருமணம் என்பது போருக்கு செல்வதை போன்ற ஒரு சாகசம்.

இரவில் தனியாக தூங்க பயப்படுபவர்களுக்கு திருமணம் நல்லது.

சாதாரண மனிதன், தன் துணிகளை சலவை செய்வதற்க்கான மிகவும் விலையுயர்ந்த வழி திருமணம்.

திருமணம் என்பது மனிதனின் இயல்பான நிலை, அதில்தான் நீங்கள் நிலையான மகிழ்ச்சியையும் காணமுடியும்.

திருமணம் செய்து கொள்ளுங்கள். நல்ல மனைவி கிடைத்தால், மகிழ்ச்சியாக இருப்பீர்கள்; இல்லையென்றால், தத்துவஞானி ஆகிவிடுவீர்கள்.

இனிய திருமண வாழ்க்கை என்பது குறைகளுள்ள இரண்டு மனிதர்கள் என்ன நடந்தாலும் விட்டுக் கொடுக்காமல் காதலுடன் இருப்பது.

நீங்கள் எதிர்கொள்ளும் போராட்டங்களின் அளவைக் கொண்டு உங்கள் திருமணம் வாழ்வு ஒருபோதும் வரையறுக்கப்படவில்லை. அந்த போராட்டங்களுக்கு இடையில் ஒருவருக்கொருவர் கொண்டுள்ள உறுதியால் வரையறுக்கப்படுகிறது.

உங்கள் வாழ்நாள் முழுவதும் ஒரு நபரை தேர்ந்தெடுத்து தொந்தரவு செய்ய திருமணம் அனுமதிக்கிறது.

என் மனைவியை என்னை திருமணம் செய்து கொள்ள சம்மதிக்க வைத்ததுதான் நான் செய்த மிக அற்புதமான சாதனை.

ஒருவரை நேசிக்கும்போது, அவர்கள் எப்படி இருக்கிறார்களோ அப்படியே நேசிக்க வேண்டும், நீங்கள் விரும்பியபடி அல்ல.

சிறந்த உறவு எதுவென்றால், ஒருவருக்கொருவர் உங்களுக்கிடையேயான அன்பு, ஒருவருக்கொருவர் தேவையை விட அதிகமாய் இருப்பதே என்பதை நினைவில் கொள்.

திருமணம் என்பது இருவருக்கு இடையேயான ஒரு குறிப்பிட்ட வாழ்க்கை முறை மற்றும் எல்லைகளுடன் வாழ்வதற்கான ஒரு ஒழுக்கமே.

திருமணம் ஒரு மணி நேரத்தில் முடிந்து விடுகிறது ஆனால் அதை உணர்ந்து வாழ ஒரு வாழ்நாள் தேவைப்படுகிறது.

திருமணத்திற்கு முன், நீங்கள் சொன்னதையே நினைத்துக்கொண்டு ஒரு மனிதன் இரவு முழுவதும் விழித்திருப்பான்; திருமணத்திற்குப் பிறகு, நீங்கள் சொல்லி முடிப்பதற்குள் அவன் தூங்கிவிடுகிறான்.

மகிழ்ச்சியான திருமணத்தின் ரகசியம் இன்னும் ரகசியமாகவே உள்ளது.

மகிழ்ச்சியான திருமண வாழ்க்கை என்பது மிகச்சரியான வாழ்க்கைத் துணையோ சிறப்பான திருமணமோ தொடர்புடையதல்ல. உங்கள் இருவரிடமும் உள்ள குறைகளை தாண்டி நேசிப்பதிலேயே உள்ளது.

திருமண உறவில் தோல்வி காதலின்மையால்வருவதல்ல, நட்பின்மையால் வருவது.

திருமணத்தில் இணையும் இருவருக்கும் ஏதேனும் திறமை தேவை என்றால், அது ஒருவர் பேசும்போது கவனிக்கும் திறமையே.

திருமணத்தின் ஒரு நன்மை என்னவென்றால், நீங்கள் அவருடனான காதலில் இருந்து விலகும்போதோ அல்லது அவர் உங்களிடம் இருக்கும் காதலில் இருந்து விலகும்போதோ, நீங்கள் மீண்டும் காதலிக்கும் வரை அது உங்களை ஒன்றாக வைத்திருக்கும்.

காதல் என்பது தீப்பற்றிய நட்பு. அது அமைதியான புரிதல், பரஸ்பர நம்பிக்கை, பகிர்ந்து கொள்ளுதல் மற்றும் மன்னிக்கும் குணம். நல்ல மற்றும் கெட்ட காலங்கள் முழுவதும் அதுவே விசுவாசம்.

வெற்றிகரமான திருமணத்திற்கு, பலமுறை காதல் வயப்படுதல் வேண்டும், ஒரே நபருடன், ஒவ்வொரு முறையும்.