Best Quotes on Nature

ஒவ்வொரு காலையிலும் உலகம் புதிதாய் பிறக்கிறது.

விண்மீன்களை உற்று நோக்குவது போன்ற எளிய செயலுக்கும், நீங்கள் நேரம் ஒதுக்க வேண்டும்.

காக்கையும் குருவியும் எங்கள் இனம் – விரிந்த கடலும் மலையும் எங்கள் கூட்டம்.

காலை விண்மீன்கள் இன்னமும் ஒருமித்துப் பாடுகின்றன, இன்னும் பாதி விழித்திராத உலகம், ஒரு புதிய நாளை உணர்கிறது.

வேறெந்த தகுதியையும் விட விடாமுயற்சியே வெற்றிக்கு அவசியம், அது அனைத்தையும் வெல்லும், இயற்கையும் அதற்க்கு விதிவிலக்கல்ல.

எல்லாவற்றையும் உணரும் மனநிலையில் நான், உன்னதமான காலையின் உணர்வு என்னுள் துடிப்பாய் உள்ளது.

இந்த அண்டம் முழுமையை அனுமதிப்பதில்லை.

இழப்பு என்பது வேறொன்றுமில்லை, அது மாற்றம். மாற்றம் இயற்கையின் இன்பம்.

மலைகளுக்குக் கதிரவன் அளிக்கும் வரவேற்பு எவ்வளவு மகிமை வாய்ந்தது!

சூரிய உதயத்தில் அனைத்தும் ஒளிரும், ஆனால் தெளிவாக இருக்காது.

சூரிய உதயத்தைக் காண்பது பணிவைக் கற்றுத்தரும். அது ஓர் ஆன்மீக அனுபவம்.

நான் அதிகாலையில் எழுந்து குளத்தில் நீராடினேன்; அது ஒரு ஆன்மிகப் பயிற்சியாக இருந்தது, நான் செய்த சிறந்த செயல்களில் ஒன்று அது.

திருமணம் என்பது மனிதனின் இயல்பான நிலை, அதில்தான் நீங்கள் நிலையான மகிழ்ச்சியையும் காணமுடியும்.

எண்ணத்தின் ஆற்றலே இயற்கையின் மீது மனிதனுக்கு ஆற்றலைத் தருகிறது.

காலைப்பொழுது சூரிய ஒளியாலும் நம்பிக்கையாலும் நிறைந்திருந்தது.

நதிகளுக்கு இத்தெரியும்: அவசரம் தேவையில்லை. ஒருநாள் நாம் அங்கே சேர்வோம்.

இயற்கை எளிமையில் மகிழ்கிறது. இயற்கை ஒன்றும் முட்டாள் இல்லை.

ஒவ்வொரு காலையும் என் வாழ்வை இயற்கைக்கு இணையான எளிமையுடனும், நான் சொல்லப்போனால், அப்பழுக்கற்ற தூய்மையுடனும் அமைக்க ஒரு மகிழ்ச்சியான அழைப்பாக இருந்தது.

கதிரவன்—ஒளியை மட்டுமல்லாது, புதிய வாழ்வையும், நம்பிக்கையையும், புத்துணர்வையும் மனிதனுக்கு மீண்டும் கொண்டுவரும் அந்தப் பிரகாசமான கதிரவன்— நெரிசல் மிகுந்த நகரின் மீது தெளிவான, ஒளிரும் பெருமையுடன் வெடித்தெழுந்தது.

வரும் ஒவ்வொரு காலத்திலும் வாழ்ந்திடு; காற்றை சுவாசி, நீரைப் பருகு, கனியின் சுவையுணர், மண்ணின் வசந்தத்திற்கு உன்னை ஒப்புக்கொடு.

வாழ்வது மட்டும் போதாது... சூரிய ஒளி வேண்டும், சுதந்திரம் வேண்டும், சிறு மலர் ஒன்றும் வேண்டும்.

சூரிய ஒளியில் வாழுங்கள், கடலில் நீந்துங்கள், சுதந்திரக் காற்றை சுவாசியுங்கள்.

நீ எங்கு இருந்தாலும், நீ காணும் மேகங்களுடனும் சூரியன் மற்றும் நட்சத்திரங்களுடனும் ஒன்றாய் இருக்கிறாய். நீ எல்லாவற்றுடனும் ஒன்றாய் இருக்கிறாய்.

காலங்கள் ஒன்றையொன்று முந்துவதில்லை; மேகங்கள் வானில் காற்றோடு பந்தயம் போடுவதில்லை. அனைத்தும் தங்கள் சரியான நேரத்தில் நிகழும்.

பூக்கள் அறிவது போல, உன் முகத்தைச் சூரியனை நோக்கித் திருப்பு.

இந்த நாளின் அழகைப் பாருங்கள், அதிசயங்கள் உங்களைச் சுற்றிலும் உள்ளன.

விண்மீன்களைக் காணும்போது, நம் கவலைகள் பெரிதாகத் தெரிவதில்லை, அப்படியல்லவா?

துன்பம் ஒரு உயிரியல் தேவை என்பதால் நாம் துன்பப்படுகிறோம். மாற்றத்தைத் தூண்டும் இயற்கையின் விருப்பமான கருவி அதுவே.

இயற்கையை நீ உண்மையாக நேசித்தால், எல்லா இடங்களிலும் அழகைக் காண்பாய்.

சூரியன் நல்லவர் மீதும் கெட்டவர் மீதும் சமமாகப் பிரகாசிக்கிறது.

நாம் விரும்பினாலும் பூ உதிரும்; நாம் விரும்பாவிட்டாலும் களை வளரும்.

காலை நேர நடைப்பயணம், முழு நாளுக்கும் ஓர் ஆசிர்வாதம்.

சூரிய உதயத்திற்கு முன் காடுகளின் அழகை விட அழகு வேறெதுவுமில்லை.

மீனின் முன் அனைத்து மாந்தரும் சமம்.

கதிரவன் நாளும் புதிது.

அவ்வப்போது வழக்கமான பாதையை விட்டு, காட்டுக்குள் செல். அவ்வாறு செல்லும் ஒவ்வொரு முறையும், முன்னர் கண்டிராத ஒன்றைக் காண்பது உறுதி.

அனைத்துக் கதிர்களும் ஒளிவீசும் அந்த அற்புத, அமைதியானக் கதிரவனை எனக்குத் தா.

காற்றலையில் தேவதைகள் கலந்திருக்கும் காலை வேளை.

உள்ளுணர்வின் உன்னதமே, அது அறிவுக்கு அப்பாற்பட்டது என்பதுதான்.

ஒவ்வொரு கலைஞனும் தன் தூரிகையைத் தன் ஆன்மாவில் தோய்த்து, தன் இயல்பைத் தன் ஓவியங்களில் தீட்டுகிறான்.

குறைந்ததைக் கொண்டு மகிழ்வோனே பெரும் செல்வன்; ஏனெனில், மனநிறைவே இயற்கையின் செல்வம்.

இயற்கையில் அந்நியப்படுதல் இல்லை. அனைத்தும் ஒன்றோடொன்று பிணைந்தவை.

சிலர் மழையை உணர்கிறார்கள். மற்றவர்கள் நனைகிறார்கள், அவ்வளவே.

இயற்கை அவசரப்படுவதில்லை, ஆயினும் அனைத்தும் நிறைவேறுகின்றன.

நாம் பார்த்தாலும், பார்க்காவிட்டாலும் சூரிய உதயம் கவலைப்படாது. யாரும் பார்க்காவிட்டாலும் கூட, அது அழகாகவே இருக்கும்.

களையாகக் கருதப்படும் தாவரங்களும் மலர்களே, அவற்றை நீங்கள் அறியும்போது.

நாம் நடக்கும்போது பூமியில் அமைதியையும் ஆழ்ந்த நிம்மதியையும் மட்டுமே பதிக்கும்படி நடக்க வேண்டும். உங்கள் கால்களால் பூமியை முத்தமிடுவது போல் நடங்கள்.

இந்தச் சிறையிலிருந்து நம்மை விடுவிப்பதே நமது நோக்கமாக இருக்க வேண்டும். அனைத்து உயிரினங்களையும், இயற்கையின் அழகையும் தழுவிக்கொள்ளும் வகையில் நம் கருணையின் வட்டத்தை விரிவுபடுத்துவதன் மூலம் இது சாத்தியம்.

விடியல் வரும்போது எழ விரும்புகிறேன். நாய்கள் எழுந்து கிளம்பி விடுகின்றன, நானும் அப்படித்தான். அந்த நேரத்தில் என் தோட்டத்தில் இருப்பேன்.

நான் அதிகாலையில் எழுபவன், அந்த அழகிய அதிகாலை ஒளியை இழக்க விரும்புவதில்லை.

குடும்பம் என்பது இயற்கையின் தலைசிறந்த படைப்புகளில் ஒன்று.